У спіс «экстрэмісцкіх матэрыялаў» дадалі сайт Саюзу палякаў у Беларусі

У Беларусі зноў павялічыўся спіс «экстрэмісцкіх матэрыялаў». Гэтым разам у яго дадалі «люстэрка» сайту Саюзу палякаў у Беларусі.

Так пастанавілі 20 траўня ў судзе Ленінскага раёну Горадні.

У канцы мінулага года беларускія ўлады прызналі «экстрэмісцкімі матэрыяламі» інфармацыйную прадукцыю тагачаснага сайту і асноўнага парталу Саюзу палякаў у Беларусі – znadniemna.pl.

У няволі дагэтуль застаюцца двое сябраў Саюзу палякаў у Беларусі. Гэта палітзняволеныя журналіст Анджэй Пачобут (яго трымаюць на «Валадарцы») і старшыня Саюзу палякаў Анжэліка Борыс (застаецца пад хатнім арыштам).

Алена Рувіна, belsat.eu